Get Adobe Flash player

Articles

இன்றைய புனிதர் † (ஜூலை 31) புனிதர் இஞ்ஞாசியார்
St Ignatius Loyola

கத்தோலிக்க குரு/ இயேசு சபை நிறுவனர் :

பிறப்பு : அக்டோபர் 23, 1491

அஸ்பெய்டா, லயோலா, கிபுஸ்கோவா, பாஸ்க் நாடு, கேஸ்டில் அரசு (தற்போதைய ஸ்பெயின்)

 இறப்பு : ஜூலை 31, 1556 (வயது 64)

ரோம் நகரம், திருத்தந்தையர் மாநிலங்கள்

முக்திபேறு பட்டம் : ஜூலை 27, 1609

திருத்தந்தை ஐந்தாம் பவுல்

புனிதர் பட்டம் : மார்ச் 12, 1622

திருத்தந்தை பதினைந்தாம் கிரகோரி

நினைவுத் திருவிழா : ஜூலை 31

Lire la suite : இன்றைய புனிதர் †  (ஜூலை 31)  ✠ புனிதர் இஞ்ஞாசியார் ✠

விரல் தொடும் குரல்! 

அருள்பணி இயேசு கருணாநிதி  திருச்சி
28 ஜூலை 2019: ஆண்
டின் பொதுக்காலம் 17ஆம் ஞாயிறு - I. தொநூ 18:20-32 II. கொலோ 2:12-14  III. லூக் 11:1-13 

செபம் அல்லது இறைவேண்டல். இந்த வார்த்தைகளைக் கேட்டவுடன் என்னில் நிறையக் கேள்விகள் எழுவது உண்டு: எதற்காக நாம் செபிக்க வேண்டும்? கடவுள் எல்லாவற்றையும் அறிந்தவர் என்றால், அவர் நம்மைப் பாதுகாப்பவர் என்றால், அந்த வேலையை அவர் சரியாகச் செய்யலாமே!

Lire la suite : விரல் தொடும் குரல்!  - ஞாயிறு வாசகங்களின் விளக்கங்கள்

ஆனால் தேவையானது ஒன்றே!

அருள்பணி இயேசு கருணாநிதி,  திருச்சி.
21 ஜூலை 2019 ஆண்டின் பொதுக்காலம் 16ஆம் ஞாயிறு -
I. தொடக்கநூல் 18:1-10 II. கொலோசையர் 1:24-28 III. லூக்கா 10:38-42

ஏறக்குறைய பதினாறு ஆண்டுகளுக்கு முன், என் குருத்துவப் பயிற்சியின் ஆன்மீக ஆண்டில், தியானம் கற்பிக்க வந்த அருள்பணியாளரிடம், 'கண்களை மூடிக்கொண்டே அமர்ந்திருப்பதால் என்ன பயன்? இப்படிச் செய்வதால் என்ன மாற்றம் நடக்கும்? உலகில் அநீதி மறையுமா? புதிய கண்டுபிடிப்புக்கள் நடக்குமா? நாம் பல இடங்களைச் சுற்றிப் பார்க்க முடியுமா? பலருக்குப் பணி செய்ய முடியுமா? புதியவற்றைக் கற்க முடியுமா? சும்மா யார் வேண்டுமானாலும் கண்களை மூடிக்கொண்டு உட்கார முடியும். இல்லையா?' என்று நான் விவாதித்தது என் நினைவில் இருக்கிறது. பதினாறு ஆண்டுகள் கடந்துவிட்டன. அருள்பணி வாழ்வில் பத்து ஆண்டுகள் கடந்துவிட்டன. நான் விழித்திருந்தது, பரபரப்பாக வேலை செய்தது, புதிதாகக் கற்றது போன்றவற்றால் உலகில் எந்த மாற்றமும் நடக்கவில்லை என்பதை இன்று நான் கற்றுக்கொண்டேன். உலகம் தன் போக்கில் இயங்குகிறது. என் வேகத்தால் என்னில் மாற்றம் ஏற்பட்டதைவிட என் உடல்நலம் பாதிக்கப்பட்டது என்றே நான் உணர்கிறேன்.

Lire la suite : ஆனால் தேவையானது ஒன்றே!  

மறை உரை : தேவையானது ஒன்றே!

அருள்பணி மரிய அந்தோணிராஜ் (அருள்வாக்கு இணையதளம் )

பொதுக்காலம் பதினாறாம் ஞாயிறு  (I தொடக்க நூல் 18: 1-10; II கொலோசையர் 1: 24-28 III லூக்கா 10: 38-42)

 

  நிகழ்வு -   ஒரு நகரில் பெரும் தொழிலதிபர் ஒருவர் இருந்தார். அவருடைய பிரதான நோக்கமே பணமீட்டுவதுதான். இப்படிப் பணமீட்டுவதே தனது வாழ்வின் பிரதான நோக்கம் என்று வாழ்ந்து வந்த அவர், ஒருநாள் தன்னுடைய வேலைகளையெல்லாம் முடித்துக்கொண்டு நள்ளிரவில் வீட்டிற்குத் திரும்பி வந்துகொண்டிருந்தார்.  இதற்கிடையில் அவரைப் பல நாட்களாக  நோட்டமிட்டுக்கொண்டிருந்த அதே நகரில் இருந்த திருடன் ஒருவன், சரியான இடம் பார்த்து, துப்பாக்கியுடன் அவர் முன் வந்து நின்றான். அவனைப் பார்த்து திடுக்கிட்டுப் போன அவர், ஒருநிமிடம் செய்வதறியாது நின்றார். அப்பொழுது அந்தத் திருடன் அவரிடம், “உனக்குப் பணம் வேண்டுமா? உயிர் வேண்டுமா?” என்று துப்பாக்கியை அவருடைய நெற்றிப்பொட்டில் வைத்து மிரட்டினான். அவர் சிறிதும் தாமதியாமல், “எனக்குப் பணம்தான் முக்கியம்... அது இருந்தால்தான் வயதான காலத்தில் மிகவும் மகிழ்ச்சியாக வாழ்க்கையை அனுபவிக்க முடியும்” என்றார்.  தொழிலதிபர் இவ்வாறு சொன்னது அந்தத் திருடனுக்குப் பயங்கர எரிச்சலூட்டியது. உடனே அவன் தன்னுடைய கையில் வைத்திருந்த துப்பாக்கியை ஓர் அழுத்து அழுத்த, தொழிலதிபர் தலை சிதறி இறந்துபோனார்.
 

Lire la suite : மறை உரை : தேவையானது ஒன்றே! 

மறை உரை : யார் அடுத்திருப்பவர்?
அருள்பணி மரிய அந்தோணிராஜ் (அருள்வாக்கு இணையதளம் )
பொதுக்காலம் பதினைந்தாம் ஞாயிறு -
(I இணைச்சட்டம் 30: 10-14; II     கொலோசையர் 1: 15-20; III லூக்கா 10: 25-37) 
நிகழ்வு : செல்வந்தன் ஒருவன் அடர்ந்து காடு வழியாகத் தன்னுடைய குதிரை வண்டியில் சென்றுகொண்டிருந்தான். வழியில் அவனைத் தடுத்து நிறுத்திய கொள்ளையர் கூட்டம் ஒன்று, அவனிடமிருந்த பணத்தையும் அவனுடைய குதிரை வண்டியையும் அடித்துப் பிடித்துக்கொண்டு, அவனைக் குற்றுயிராய்ப் போட்டுவிட்டுச் சென்றது.  
அதே காட்டில் புத்திசாலியான நரி ஒன்று தன்னுடைய இரண்டு குட்டிகளுடன் வாழ்ந்து வந்தது. அது தன்னுடைய இரண்டு குட்டிகளுடனும் தற்செயலாக அந்தப் பக்கம் வந்தது. முன்னே சென்றுகொண்டிருந்த இரண்டு குட்டிகளும் செல்வந்தன் அடிபட்டுக் குற்றுயிராய்க் கிடப்பதைக் கண்டு தங்களுடைய தாயிடம், “அம்மா! இங்கே ஒரு மனிதன் அடிபட்டுக் கிடக்கின்றான்... அவனுக்கு நாங்கள் உதவிசெய்யப் போகிறோம்” என்று ஓடின.

Lire la suite : மறை உரை : யார் அடுத்திருப்பவர்?

14 ஜூலை 2019 ஆண்டின் பொதுக்காலம் 15ஆம் ஞாயிறு
 
I. இணைச்சட்டம் 30:10-14  II. கொலோசையர் 1:15-20  III. லூக்கா 10:25-37
 
வாயில்! இதயத்தில்! கையில்!
அருள்பணி இயேசு கருணாநிதி திருச்சி
 
இந்து மரபில் இறைவனை அடைவதற்கு மூன்று மார்க்கங்கள் உண்டெனச் சொல்லப்படுகிறது: பக்தி மார்க்கம், ஞான மார்க்கம், கர்ம மார்க்கம். பக்தி மார்க்கம் இறைவனை வழிபடுதலையும், மந்திரங்களை உச்சரிப்பதையும், வழிபாடுகள் நடத்துவதையும் முதன்மைப்படுத்துகிறது. ஞான மார்க்கம் இறைவனின் திருநூல்களை அறிவதையும், இறைவன் பற்றிய மறைபொருளை சிந்தித்து, தியானித்து அறிதலையும் முதன்மைப்படுத்துகிறது. கர்ம மார்க்கம் பிறரன்புச் செயல்கள் செய்வதையும், தன்னுடைய வேலைகளை சரிவரச் செய்தலையும் முதன்மைப்படுத்துகிறது.

Lire la suite : வாயில்! இதயத்தில்! கையில்! 14.07.2019 ஞாயிறு வாசகங்களின் விளக்கங்கள்

மறை உரை : தன்னை முழுவதும் தருவதுதான் உண்மையான சீடத்துவம்

அருள்பணி மரிய அந்தோணிராஜ் (அருள்வாக்கு இணையதளம் )

பொதுக்காலம் பதிமூன்றாம் ஞாயிறு -  (1அரசர்கள் 19: 16, 19-21; கலாத்தியர் 5: 13-18; லூக்கா 9: 51-62)

நிகழ்வு  - மெய்யியலாளரான சோரன் கீர்ககார்ட் (Soran Kierkagaard) சொல்லக்கூடிய ஒரு நிகழ்வு. ஒரு சமயம் ஒரு சிறுநகரில் இருந்த அடுக்குமாடிக் கட்டிடத்தில் பயங்கரத் தீவிபத்து ஏற்பட்டது. செய்தி நகரில் இருந்த தீயணைப்புப் படையினர்க்குச் சொல்லப்பட்டது. உடனே அவர்கள் தீவிபத்து நடந்த இடத்திற்கு விரைந்து வந்தார்கள்.  அங்கு அவர்கள் வந்தபோது கண்ட காட்சி அவர்களை அதிர்ச்சிக்கு உள்ளாக்கியது. காரணம், அங்கிருந்த ஒருசிலர் தங்களுடைய கையில் வைத்திருந்த தண்ணீர் துப்பாக்கிகளைக் கொண்டு தீயை அணைக்க முயன்று கொண்டிருந்தார்கள். இன்னும் ஒருசிலர் தீயணைப்புப் படையினர்க்கு வழிவிடாமல் தங்களுடைய கையில் இருந்த சிறு சிறு வாளிகளைக் கொண்டு தீயை அணைத்துக்கொண்டிருந்தனர். இதைப் பார்த்துவிட்டு அந்த தீயணைப்பு படையினரின் தலைவர் அங்கிருந்த வர்களிடம், “இந்தத் தீவிபத்தின் விபரீதம் புரியாமலும் எங்களுக்கு வழிவிடாமலும் இப்படித் தண்ணீர் துப்பாக்கிகளைக் கொண்டும் சிறுசிறு வாளிகளைக் கொண்டும் தீயை அனைத்துக்கொண்டிருக்கின்றீர்களே! இது நன்றாக இருக்கிறதா... தயவுசெய்து எங்களுக்கு வழிவிடுங்கள்” என்றார்.  அவர் இவ்வாறு சொன்னதைத் தொடர்ந்து அங்கிருந்த எல்லாரும் தீயணைப்புப் படையினருக்கு வழிவிட்டனர். இதைத் தொடர்ந்து தீயணைப்பு படையிலிருந்த ஒவ்வொருவரும் முழுமூச்சாக இறங்கி, அடுக்கு மாடிக் கட்டிடத்தில் உயிர்க்குப் போராடிக்கொண்டிருந்தவர்களைக் காப்பாற்றியும் பற்றியெறிந்துகொண்டிருந்த தீயை அணைத்தும் பெரியஅளவில் சேதம் ஏற்படாத வண்ணம் அங்கிருந்தவர்களைக் காப்பாற்றினர். 

Lire la suite : மறை உரை : தன்னை முழுவதும் தருவதுதான் உண்மையான சீடத்துவம்

30 ஜூன் 2019 ஆண்டின் பொதுக்காலம் 13ஆம் ஞாயிறு - வாசகங்களின் விளக்கங்கள்
 
I. 1 அரசர்கள் 19:16, 19-21  II. கலாத்தியர் 5:13-18  III. லூக்கா 9:51-62
வழங்குபவர் : அருள்பணி இயேசு கருணாநிதி, திருச்சி.
 
முறிவுகளே முடிவுகளாக
 
 
ஓர் உருவகத்தோடு இன்றைய சிந்தனையைத் தொடங்குவோம். நாம் ஒரு வீட்டை உரிமையாக்கிக்கொள்ள வேண்டுமானால், அதற்கு இரண்டு வழிகள் உண்டு. ஒன்று, ஓர் வெற்றிடத்தை வாங்கி, அவ்விடத்தின் அளவு மற்றும் பண்பிற்கிற்பேத் திட்டமிட்டு நிலம் வீணாகாமல் கட்டுவது. இப்படிக் கட்டுவதில் பிரச்சினை என்னவென்றால், நிலத்தை தூய்மைப்படுத்தி ஒழுங்குபடுத்துதல், வானம் தோண்டுதல், அடித்தளம் இடுதல், வரைபடம் உருவாக்குதல், கட்டுதல், பூசுதல், மேற்கூரையிடல், தளமிடல், வர்ணம் பூசுதல், தண்ணீர் மற்றும் மின்சார திட்டமிடல் என எல்லாவற்றையும் நாமே செய்ய வேண்டும்.

Lire la suite : 30 ஜூன் 2019 ஆண்டின் பொதுக்காலம் 13ஆம் ஞாயிறு - வாசகங்களின் விளக்கங்கள்

St Paul 01

✠ புனிதர் பவுல் ✠
(St. Paul)

வேற்று இனத்தவரின் திருத்தூதர் :
(Apostle of the Gentiles)

பிறப்பு : கி.பி 5
டார்சஸ், சிசிலியா, ரோம பேரரசு
(Tarsus, Cilicia, Roman Empire)

இறப்பு : கி.பி 67 (வயது 62)
ரோம், ரோம பேரரசு
(Rome, Roman Empire)

Lire la suite : புனிதர் இறைத்தூதர் பவுலடிகள் (சின்னப்பர்)

இன்றைய (28 ஜூன் 2019) திருநாள் இயேசுவின் திருஇருதயம்
அருள்பணி இயேசு கருணாநிதி திருச்சி

 
இன்று நம் ஆண்டவராகிய இயேசு கிறிஸ்துவின் திருஇருதயப் பெருவிழாவைக் கொண்டாடுகிறோம். ஏறக்குறைய 11ஆம் நூற்றாண்டின் இறுதியில்தான் இந்த திருவிழா கொண்டாடப்பட்டதாக கிறிஸ்தவ வழிபாட்டு வரலாறு சொன்னாலும், இயேசுவின் அன்பைப் பற்றிய புரிதல்கள் ஒரிஜன், அம்புரோஸ், ஜெரோம், அகுஸ்தீன், மற்றும் ஐரேனியு அவர்களின் காலங்களிலேயே இருந்திருக்கின்றன.

Lire la suite : இன்றைய (28 ஜூன் 2019) திருநாள்   இயேசுவின் திருஇருதயம்

AUMONERIE CATHOLIQUE TAMOULE INDIENNE 

Copyright © 2001-2017

EMAIL : webmaster@aumonerietamouleindienne.org