Get Adobe Flash player

Articles

மறை உரை : தன்னை முழுவதும் தருவதுதான் உண்மையான சீடத்துவம்

அருள்பணி மரிய அந்தோணிராஜ் (அருள்வாக்கு இணையதளம் )

பொதுக்காலம் பதிமூன்றாம் ஞாயிறு -  (1அரசர்கள் 19: 16, 19-21; கலாத்தியர் 5: 13-18; லூக்கா 9: 51-62)

நிகழ்வு  - மெய்யியலாளரான சோரன் கீர்ககார்ட் (Soran Kierkagaard) சொல்லக்கூடிய ஒரு நிகழ்வு. ஒரு சமயம் ஒரு சிறுநகரில் இருந்த அடுக்குமாடிக் கட்டிடத்தில் பயங்கரத் தீவிபத்து ஏற்பட்டது. செய்தி நகரில் இருந்த தீயணைப்புப் படையினர்க்குச் சொல்லப்பட்டது. உடனே அவர்கள் தீவிபத்து நடந்த இடத்திற்கு விரைந்து வந்தார்கள்.  அங்கு அவர்கள் வந்தபோது கண்ட காட்சி அவர்களை அதிர்ச்சிக்கு உள்ளாக்கியது. காரணம், அங்கிருந்த ஒருசிலர் தங்களுடைய கையில் வைத்திருந்த தண்ணீர் துப்பாக்கிகளைக் கொண்டு தீயை அணைக்க முயன்று கொண்டிருந்தார்கள். இன்னும் ஒருசிலர் தீயணைப்புப் படையினர்க்கு வழிவிடாமல் தங்களுடைய கையில் இருந்த சிறு சிறு வாளிகளைக் கொண்டு தீயை அணைத்துக்கொண்டிருந்தனர். இதைப் பார்த்துவிட்டு அந்த தீயணைப்பு படையினரின் தலைவர் அங்கிருந்த வர்களிடம், “இந்தத் தீவிபத்தின் விபரீதம் புரியாமலும் எங்களுக்கு வழிவிடாமலும் இப்படித் தண்ணீர் துப்பாக்கிகளைக் கொண்டும் சிறுசிறு வாளிகளைக் கொண்டும் தீயை அனைத்துக்கொண்டிருக்கின்றீர்களே! இது நன்றாக இருக்கிறதா... தயவுசெய்து எங்களுக்கு வழிவிடுங்கள்” என்றார்.  அவர் இவ்வாறு சொன்னதைத் தொடர்ந்து அங்கிருந்த எல்லாரும் தீயணைப்புப் படையினருக்கு வழிவிட்டனர். இதைத் தொடர்ந்து தீயணைப்பு படையிலிருந்த ஒவ்வொருவரும் முழுமூச்சாக இறங்கி, அடுக்கு மாடிக் கட்டிடத்தில் உயிர்க்குப் போராடிக்கொண்டிருந்தவர்களைக் காப்பாற்றியும் பற்றியெறிந்துகொண்டிருந்த தீயை அணைத்தும் பெரியஅளவில் சேதம் ஏற்படாத வண்ணம் அங்கிருந்தவர்களைக் காப்பாற்றினர். 

Lire la suite : மறை உரை : தன்னை முழுவதும் தருவதுதான் உண்மையான சீடத்துவம்

30 ஜூன் 2019 ஆண்டின் பொதுக்காலம் 13ஆம் ஞாயிறு - வாசகங்களின் விளக்கங்கள்
 
I. 1 அரசர்கள் 19:16, 19-21  II. கலாத்தியர் 5:13-18  III. லூக்கா 9:51-62
வழங்குபவர் : அருள்பணி இயேசு கருணாநிதி, திருச்சி.
 
முறிவுகளே முடிவுகளாக
 
 
ஓர் உருவகத்தோடு இன்றைய சிந்தனையைத் தொடங்குவோம். நாம் ஒரு வீட்டை உரிமையாக்கிக்கொள்ள வேண்டுமானால், அதற்கு இரண்டு வழிகள் உண்டு. ஒன்று, ஓர் வெற்றிடத்தை வாங்கி, அவ்விடத்தின் அளவு மற்றும் பண்பிற்கிற்பேத் திட்டமிட்டு நிலம் வீணாகாமல் கட்டுவது. இப்படிக் கட்டுவதில் பிரச்சினை என்னவென்றால், நிலத்தை தூய்மைப்படுத்தி ஒழுங்குபடுத்துதல், வானம் தோண்டுதல், அடித்தளம் இடுதல், வரைபடம் உருவாக்குதல், கட்டுதல், பூசுதல், மேற்கூரையிடல், தளமிடல், வர்ணம் பூசுதல், தண்ணீர் மற்றும் மின்சார திட்டமிடல் என எல்லாவற்றையும் நாமே செய்ய வேண்டும்.

Lire la suite : 30 ஜூன் 2019 ஆண்டின் பொதுக்காலம் 13ஆம் ஞாயிறு - வாசகங்களின் விளக்கங்கள்

St Paul 01

✠ புனிதர் பவுல் ✠
(St. Paul)

வேற்று இனத்தவரின் திருத்தூதர் :
(Apostle of the Gentiles)

பிறப்பு : கி.பி 5
டார்சஸ், சிசிலியா, ரோம பேரரசு
(Tarsus, Cilicia, Roman Empire)

இறப்பு : கி.பி 67 (வயது 62)
ரோம், ரோம பேரரசு
(Rome, Roman Empire)

Lire la suite : புனிதர் இறைத்தூதர் பவுலடிகள் (சின்னப்பர்)

இன்றைய (28 ஜூன் 2019) திருநாள் இயேசுவின் திருஇருதயம்
அருள்பணி இயேசு கருணாநிதி திருச்சி

 
இன்று நம் ஆண்டவராகிய இயேசு கிறிஸ்துவின் திருஇருதயப் பெருவிழாவைக் கொண்டாடுகிறோம். ஏறக்குறைய 11ஆம் நூற்றாண்டின் இறுதியில்தான் இந்த திருவிழா கொண்டாடப்பட்டதாக கிறிஸ்தவ வழிபாட்டு வரலாறு சொன்னாலும், இயேசுவின் அன்பைப் பற்றிய புரிதல்கள் ஒரிஜன், அம்புரோஸ், ஜெரோம், அகுஸ்தீன், மற்றும் ஐரேனியு அவர்களின் காலங்களிலேயே இருந்திருக்கின்றன.

Lire la suite : இன்றைய (28 ஜூன் 2019) திருநாள்   இயேசுவின் திருஇருதயம்

முழுமையான அக்கறை

 

23 ஜூன் 2019 கிறிஸ்துவின் திருவுடல் திருஇரத்தப் பெருவிழா - I. தொடக்க நூல் 14:18-20  II. 1 கொரிந்தியர் 11:23-26  III. லூக்கா 9:11-17

மறை உரை வழங்குபவர் : அருள்பணி இயேசு கருணாநிதி திருச்சி

 
கடந்த சில மாதங்களுக்கு முன் சாலையில் நடந்துகொண்டிருந்த ஒருவர், 'ஏதாவது கொடுங்கள்!' என்று கேட்டார். உடன் வந்த என் நண்பர் அவருக்கு பத்து ரூபாய் கொடுத்தார். உடனே அவர், அருகில் இருந்த பீர்பால் பிரியாணிக் கடையைக் காண்பித்து, 'ஒரு பிரியாணி வாங்கிக் கொடுப்பீர்களா?' என்று கேட்க, அவரும் வாங்கிக் கொடுத்தார். 'பசி என்றால் பத்தும் பறந்துபோகும்' என்று சொல்வதுபோல, பத்து ரூபாய் அவருக்கு அன்று வெறும் தாளாகத்தான் தெரிந்தது.

Lire la suite : முழுமையான அக்கறை  - 23.06.2019 வாசகங்களின் விளக்கங்கள்

 நல்லுறவுக்கு இலக்கணமான மூவொரு கடவுள்
மூவொரு கடவுள் விழா - நீதிமொழிகள் 8: 22-31; உரோமையர் 5: 1-5; யோவான் 16: 12-15 
மறை உரை வழங்குபவர் :அருள்பணி மரிய அந்தோணிராஜ் (அருள்வாக்கு இணையதளம்)

நிகழ்வு -  அயர்லாந்தின் தலைநகரான டப்ளினில் (Dublin) பேராயர் ஒருவர் இருந்தார். அவர் அதே நகரில் இருந்த சீர்த்திருத்த சபைச் சகோதரர்கள் (Protestant) நடத்திவந்த மிகவும் புகழ்பெற்ற ட்ரினிட்டி கல்லூரில் கத்தோலிக்கக் கிறிஸ்தவர்கள் யாரும் சேரக்கூடாது என்று உத்தரவு பிறப்பித்தார். அவரது உத்தரவையும் மீறி ஒரு கத்தோலிக்கக் கிறிஸ்தவர் அந்த ட்ரினிட்டி கல்லூரியில் நுழைந்தார். இது நடந்து ஓரிரு நாட்களிலேயே பேராயரின் உத்தரவை மீறி ட்ரினிட்டி கல்லூரில் நுழைந்த அந்த மனிதர் இறந்துபோனார். இதைப் பார்த்துவிட்டு மக்களெல்லாம், ‘பேராயரின் உத்தரவை மீறி ட்ரினிட்டி கல்லூரில் நுழைந்ததால்தான், அவர்க்கு இப்படியொரு நிலைமை நேர்ந்தது’ என்று பேசத் தொடங்கினார்கள்.  இதற்குப் பின்பு அந்த மனிதர் விண்ணகத்திற்குச் சென்றார்.

Lire la suite : நல்லுறவுக்கு இலக்கணமான மூவொரு கடவுள்-16.06.2019

மறை உரை : மற்றொரு துணையாளர்  

-அருள்பணி மரிய அந்தோணிராஜ்  -   (அருள்வாக்கு இணையதளம் )
(திருத்தூதர் பணிகள் 2: 1-11; உரோமையர் 8: 8-17; யோவான் 14: 15-16, 23-26)

அமெரிக்கர்களால் ‘மக்கள் கவிஞர்’ என அன்போடு அழைக்கப்படுபவர் ‘எட்கர் கெஸ்ட் (Edgar Guest 1881 - 1959). இவர் பிறந்தது என்னவோ இங்கிலாந்தாக இருந்தாலும், வளர்ந்ததெல்லாம் அமெரிக்காதான். தன்னுடைய பத்தாவது வயதில் இங்கிலாந்திலிருந்து வந்த இவர், கடைசிவரைக்கும் அமெரிக்காவிலேயே இருந்தார்.  எட்கர்க்கு ஒரு மகன் இருந்தான். அவன்மீது அவர் அளவுகடந்த அன்பு வைத்திருந்தார்.

Lire la suite : மறை உரை : மற்றொரு துணையாளர் :தூய ஆவியார் விழா

9 ஜூன் 2019 தூய ஆவியார் பெருவிழா
வாசகங்களின் விளக்கங்கங்கள் தருபவர் : அருள்பணி கருணாநிதி, திருச்சி
I. திருத்தூதர் பணிகள் 2:1-11  II. 1 கொரிந்தியர் 12:3-7, 12-13  III. யோவான் 20:19-23
 
பணிக்குத் தயார்நிலை!
 
கடந்த வாரம் என் நண்பர் ஒருவரின் வீட்டிற்குச் சென்றிருந்தேன். பேச்சின் ஊடே அவருடைய அம்மா என்னிடம், 'அபிஷேகம் - அனாய்ன்ட்டிங் பெற நான் என்ன செய்ய வேண்டும்?' என்று கேட்டார். 'என்ன?' என்றேன். 'நான் சில வாரங்களாக செபக் கூட்டத்திற்குச் செல்கிறேன். அங்கிருப்பவர்கள் என்னிடம் இதைக் கேட்டார்கள். அதை நான் உங்களிடம் கேட்டேன்' என்றார். தொடர்ந்து, 'நீங்க அனாய்ன்ட்டிங் பெற்றுவிட்டீர்களா?' என்று கேட்டார். இது எனக்கு ஒரே நேரத்தில் அதிர்ச்சியாகவும், தன்னாய்வு செய்யும் நிகழ்வாகவும் இருந்தது.

Lire la suite : 9 ஜூன் 2019 தூய ஆவியார் பெருவிழா-வாசகங்களின் விளக்கங்கள் 

கடவுளின் கட்டளையைக் கடைப்பிடித்து, அவரது அன்பில் நிலைத்திருப்போம்

அருள்பணி மரிய அந்தோணிராஜ் (அருள்வாக்கு இணையதளம்) - 

ராஜா என்ற பதின்வயது நிரம்பிய ஏழைப் பையன் ஒருவன் இருந்தான். அவனது தந்தை விபத்து ஒன்றில் இறந்துபோனதால், அவன் தன்னுடைய (விதவைத்) தாயின் பாதுகாப்பிலும், அரவணைப்பிலும் வளர்ந்து வந்தான். அந்தத் தாயானவள் தன்னுடைய மகனுக்கு தகப்பன் இல்லாத குறையைப் போக்கி, அவன்மீது உண்மையான அன்பு காட்டி வந்தாள்.  ராஜாவிற்கு ஜிம்மி என்ற ஒரு பணக்கார வீட்டுப்பையனின் நட்பு கிடைத்தது.

Lire la suite : கடவுளின் கட்டளையைக் கடைப்பிடித்து, அவரது அன்பில் நிலைத்திருப்போம் - மறை உரை

19 மே 2019 பாஸ்கா காலம் 5ஆம் ஞாயிறு வாசகங்களின் விளக்கங்கள்
வழங்குபவர் : அருள்பணி இயேசு கருணாநிதி,  திருச்சி

I. திருத்தூதர் பணிகள் 14:21-27 II. திருவெளிப்பாடு 21:1-5 III. யோவான் 13:31-35

நிறைவேற்றுதல்!

'ஒன்றின் தொடக்கமல்ல. அதன் முடிவே கவனிக்கத்தக்கது' என்கிறார் சபை உரையாளர் (7:8). ஆங்கிலத்தில், 'கேட்ச் 22 கட்டம்’  (‘Catch 22 Situation') என்ற ஒரு சொலவடை உண்டு. அதன் பொருளை நான் இப்படிப் புரிந்துகொள்கிறேன். இரண்டு வாரங்களுக்கு முன் நடந்த அருள்பணியாளர் ஒருவரின் முதல் நன்றித் திருப்பலியில் ஒரு மறையுரை கேட்டேன். மறையுரை வைத்த அருள்பணியாளர் புதிய அருள்பணியாளருக்கு அறிவுரை சொல்வது போல தன் மறையுரையைக் கட்டமைத்திருந்தார்: 'அன்பிற்கினிய அருள்பணியாளரே, வாழ்த்துக்கள். புதிய ஆடை, புதிய திருவுடை, புதிய திருப்பலிப் பாத்திரம், புதிய புத்தகம், புதிய கைக்கடிகாரம், புதிய காலணிகள் என்று ஜொலிக்கிறீர்கள். வாழ்த்துக்கள். நீங்க இன்று எங்க போனாலும் உங்களுக்கு பொன்னாடை போர்த்துவாங்க! உங்க உள்ளங் கைகளை முத்தமிடுவார்கள். உங்களைக் கட்டித் தழுவுவார்கள். உங்கள் கைகளை அன்பளிப்புக்களால் நிரப்புவார்கள். உங்களை முதல் இருக்கையில் அமர வைப்பார்கள். 'உங்களுக்கு என்ன வேண்டும்' என்று கேட்டு பரிமாறுவர். இது வெறும் 21 நாள்களுக்குத்தான். 22ஆம் நாள் வரும். நீங்க பழசு ஆயிடுவீங்க. அன்றுதான் உங்க அருள்பணி வாழ்க்கை தொடங்கும். 'இதுதான் வாழ்க்கையா' என்று புலம்ப ஆரம்பிப்பீங்க. 25 வருடங்களுக்கு உங்க பக்கத்துல யாரும் வர மாட்டாங்க. இதே கூட்டம் உங்களுடைய வெள்ளி விழாவுக்கு வரும். 'உங்கள ஆஹா ஓஹோ என்று சொல்வாங்க!' கூட்டம் மறுபடி காணாமல் போகும். காலம் அனுமதித்தால் பொன்விழா கொண்டாடுவீர்கள். நீங்க இன்று எப்படி உங்க பணியைத் தொடங்குகிறீர்கள் என்பது முக்கியமல்ல. மாறாக, அந்த 22ஆம் நாளில் நீங்க என்ன முடிவெடுத்து எப்படி உங்க பயணத்தை முடிக்கப் போறீங்களோ அதுதான் முக்கியம்.'

Lire la suite : 19 மே 2019 பாஸ்கா காலம் 5ஆம் ஞாயிறு - வாசகங்களின் விளக்கங்கள்

AUMONERIE CATHOLIQUE TAMOULE INDIENNE 

Copyright © 2001-2017

EMAIL : webmaster@aumonerietamouleindienne.org