Get Adobe Flash player

Articles

சிந்தனை

மறைவாய் உள்ளதை காணும் உங்களது தந்தை விரதி பலன் கொடுப்பார்.

மறைவாய் உள்ள யாவற்றையும் ஊடுறுவு காண்கிறவர் படைத்தவர்.

நல்லதும் அவருக்கு தெரியும் பாவமும் அவருக்கு தெரியும்.

அவருடைய பார்வையில் இருந்து எதுவும் மறைந்து போவதில்லை.

அவரை கேலி செய்யவோ, ஏமாற்றவோ யாராலும் இயலாது.

நல்ல காரியங்களுக்கு பிரதி பலன் கொடுப்பார் என்றால், தீமையான பாவ செயலுக்கு தண்டனை கொடுக்கவும் செய்வார் என்பதுவே உண்மை.

ஆனால் நல்லவற்றிற்கு கைம்மாறு வாழும் காலத்திலேயே கொடுக்கின்றவர், தண்டனையை காலம் தாழ்த்தி மனமாற்றத்திற்கான காலம் தந்து பொறுமையோடு காத்திருந்து செய்வார் என்பது தான் உண்மை.

அந்த ஏற்புடைய காலம் அதுவே.

அவருடைய மன்னிப்பின் காலம் இதுவே.

இந்த அற்புதமான அருளின் காலம் நிறைந்த பலன் தந்து, வாழ்தை சீராக்கட்டும், செம்மைப்படுத்தட்டும்.

நல்வாழ்த்துக்கள். செபங்கள். ஆசீர்.

மறையுரைச் சிந்தனை (பிப்ரவரி 10):  சாம்பல் புதன்

கடவுளோடு ஒப்புறவாவோம்

இன்று அன்னையாம் திரு அவை சாம்பல் புதனை/விபூதிப் புதனை  நினைவுகூர்ந்து கொண்டாடுகின்றது. கடவுளோடு ஒப்புறவாகவும், அதன்வழியாக நம்மோடு வாழக்கூடிய உடன் சகோதர, சகோதரிகளோடு ஒப்புறவாகவும் இறைவனால்/ திருச்சபையால் தரப்பட்ட அருளின் காலம்தான் இந்த தவக்காலம். இத்தவக்காலத்தில் நாம் இறைவனோடும், நம் அயலாரோடும் எப்படியெல்லாம் ஒப்புறவாகலாம் என்பதை இன்றைய வாசகங்களின் வழியாகச் சிந்தித்துப் பார்ப்போம்.

இறைவாக்கினர் யோவேல் புத்தகத்திலிருந்து எடுக்கப்பட்ட இன்றைய முதல் வாசகத்தில் ஆண்டவர் கூறுகிறார், “இப்பொழுதாவது உண்ணா நோன்பிருந்து, அழுது புலம்பிக்கொண்டு, உங்கள் முழு இதயத்தோடு என்னிடம் திரும்பி வாருங்கள்.. நீங்கள் உங்கள் உடைகளைக் கிழித்துக்கொள்ள வேண்டாம், இதயத்தைக் கிழித்துக்கொண்டு உங்கள் கடவுளாகிய ஆண்டவரிடம் திரும்பி வாருங்கள்” என்று. இங்கே ஆண்டவரிடம் திரும்பி வாருங்கள் என்ற வார்த்தையானது திரும்பத் திரும்ப வருவதை நாம் நமது கவனத்தில் கொள்ளவேண்டும்.

அதேபோன்று இன்றைய இரண்டாம் வாசகத்தில் அதாவது கொரிந்தியருக்கு எழுதிய இரண்டாம் திருமுகம் 5:20 ல் பவுலடியார் கூறுவார், “ஆகவே, கடவுளோடு ஒப்புரவாகுங்கள்” என்று. எனவே நாம் ஆண்டவராகிய கடவுளிடம் திரும்பி வந்து, அவரோடு ஒப்புறவாகவேண்டும் என்பதுதான் இறைவனின் திருவுளமாக இருக்கின்றது.

கடவுளோடு எப்படி ஒப்புறவாகலாம் என்பதற்கு ஆண்டவர் இயேசு நற்செய்தியில்  மூன்று முக்கியமான காரியங்களை கூறுவார். அவையாவன 1.தர்மம் 2.நோன்பு 3.இறைவேண்டல். இதில் தர்மம் என்பதை மட்டும் குறித்துச் சிந்தித்துப் பார்த்து இறைவனோடு ஒப்புறவாக முயல்வோம்.

எலியாஸ் என்ற ஓர் ஆன்மீக எழுத்தாளர் கூறுவார், “தபால் பெட்டியில் போடப்படும் கடிதம் உரிய இடத்தில் போய் சேர்வதுபோல, ஏழை ஒருவருக்கு நாம் செய்யும் தர்மம் இறைவனுக்கு நேரடியாகச் சென்று சேர்ந்துவிடுகிறது” என்று. ஆம், ஏழைக்கு இரங்கி உதவி செய்கிறவர் ஆண்டவருக்கே கடன் கொடுக்கிறவர் என்று நீதிமொழிகள் புத்தகம் 19:17 ல் வாசிக்கின்றோம். ஆகவே ஏழைகளுக்கு/ எல்லா மக்களுக்கு தர்மம் செய்வதன் வழியாக எப்படி இறைவனோடு ஒப்புறவாகலாம் என்பது பற்றி சிந்தித்துப் பார்ப்போம்.

சில ஆண்டுகளுக்கு முன்பாக சிகாகோ நகரிலே காவல்துறையினர் மத்தியில் வித்தியாசமான போட்டி நடைபெற்றது. அது என்னவென்றால் ஏதாவது ஒரு பிரச்சனை ஏற்பட்டு மக்கள் கூட்டம் கூடுகிறது என்றால், அவர்களை எப்படி அங்கிருந்து கலைப்பது என்பதுதான் அக்கேள்வி.

காவல்துறையினர் ஒவ்வொருவரும் ஒவ்வொருவிதமான பதிலைச் சொன்னார்கள். ‘கண்ணீர் புகைகுண்டு வீசுவேன், துப்பாக்கியைப் பயன்படுத்துவேன், லத்தியை வைத்து அடித்து விரட்டுவேன்’ என்று சொல்லிக்கொண்டே போனார்கள். இறுதியாக ஒரு காவல்துறை அதிகாரி எழுந்து நின்று, “கலவரக் கூட்டத்தை விரட்ட, நான் என்னிடம் இருக்கும் தொப்பியைக் கழற்றி, மக்களிடம் யாசிப்பேன் (பிச்சை கேட்பேன்), உடனே எல்லாரும் தெறித்து ஓடி விடுவார்கள்” என்றார்.

அங்கே இருந்தவர்கள் இதைக் கேட்டு குபீர் என்று சிரித்தார்கள். இறுதியில் அவருக்கே பரிசையும் தந்தார்கள்.

நம்மிடம் இருப்பதை பிறருக்குக் கொடுக்கவேண்டும் என்ற மனநிலையானது படிப்படியாகக் குறைந்துகொண்டே வருகிறது என்பதை இந்த நிகழ்வானது நமக்கு மிகத்தெளிவாக எடுத்துரைக்கிறது.

தவக்காலத்தைத் தொடங்கி இருக்கும் நாம், கிறிஸ்தவர்களின் மூன்று முக்கியக் கடமைகளில் ஒன்றான தர்மம் செய்வதில்/ அறச்செயல் புரிவதில் சிறந்து விளங்கவேண்டும் என்று திருச்சபையானது நமக்கு அழைப்புத் தருகிறது.   ஆண்டவர் இயேசு, நம்மிடம் இருப்பதை பிறருக்குக் கொடுக்கவேண்டும் என்ற இக்கருத்தை நற்செய்தியின் பல பகுதியில் விளக்கிக் கூறுவார். குறிப்பாக தன்னைப் பின்பற்ற நினைத்த செல்வந்தனாகிய இளைஞனிடம், “உன் உடைமைகளை விற்று ஏழைகளுக்குக் கொடும், பின்னர் வந்து என்னைப் பின்பற்றும்” என்கிறார். (மத் 19:21)

ஆகவே, இயேசு தன்னுடைய போதனைகளில் கொடுக்க வேண்டும் என்ற கருத்தை மிகவும் ஆணித்தரமாக வலியுறுத்திக்கூறுகிறார் என்பது தெளிவு.

மேலும் நாம் கொடுக்கின்றபோது, தர்மம் செய்கிறபோது எப்படிப்பட்ட மனநிலையோடு செய்யவேண்டும் என்பதையும் மிகத் தெளிவாகக் கூறுகிறார்:  “நீங்கள் தர்மம் செய்யும்போது உங்களைப் பற்றித் தம்பட்டம் அடிக்காதீர்கள். வெளிவேடக்காரர், மக்கள் புகழவேண்டுமென்று தொழுகைக் கூடங்களிலும் சந்துகளிலும் நின்று அவ்வாறு செய்வர். அவர்கள் தங்களுக்குரிய கைம்மாறு பெற்றுவிட்டார்கள் என உறுதியாக உங்களுக்குச் சொல்கிறேன். நீங்கள் தர்மம் செய்யும்போது, உங்கள் வலக்கை செய்வது இடக்கைக்குத் தெரியாதிருக்கட்டும். அப்பொழுது நீங்கள் செய்யும் தர்மம் மறைவாயிருக்கும்; மறைவாய் உள்ளதைக் காணும் உங்கள் தந்தையும் உங்களுக்குக் கைம்மாறு அளிப்பார்” என்பார்.

எனவே தர்மம் செய்கிறபோது ஏதோ விளம்பரதிற்காகச் செய்யாமல், மறைவாக யாருக்கும் தெரியாமல் செய்யவேண்டும் என்பது இயேசுவின் போதனையாக இருக்கின்றது.

ஆனால் இன்றைக்கு விளம்பர உலகத்தில் இருக்கும் நம்மால் விளம்பரமே இல்லாமல் ஒரு நல்ல காரியத்தை, அறச்செயலை செய்ய முடிகிறதா என்பது மிகப்பெரிய கேள்விக்குறியாக இருக்கிறது. இயேசு “உங்கள் வலக்கை செய்வது இடக்கைத் தெரியாதிருக்கட்டும்” என்கிறார். அப்படியென்றால் நாம் ஒன்று கொடுக்கிறபோ

தவக்காலம் - சிறு விளக்கம்

தருபவர் ; அருள்பணி சூசைநாதன்

Jesus 04

பிப்ரவரி 10ஆம் தேதி முதல் தவக்காலம் ஆரம்பிக்கின்றது. தவக்காலம் என்பது இயேசுகிறிஸ்துவின் மீது வீண்பழி சுமத்தி, அவரைச் சித்திரவதை செய்து, சிலுவையைச் சுமத்தி, அதில் அவரை அறைந்து, அவரை இறப்புக்குள்ளாக்கிய காலத்தைக் குறிப்பதாகும்.

பிப்ரவரி 10ஆம் நாள், விபூதிப் புதன் என்றழைக்கப்படுகின்றது. அன்று மக்களின் உளமார்ந்த மனமாற்றத்தின் வெளி அடையாளமாகவும் தவத்தின் குறியீடாகவும், நமது நிலையாமையைக் குறிப்பதற்காகவும் நமது நெற்றியில் திருநீறு பூசப்படுக்கின்றது.

Lire la suite...

விளக்கம் அருளுபவர் : அருட்பணி மரியா அந்தோணி (பாளையம்கோட்டை)
நன்றி : அருள்வாக்கு

 வலுவின்மையில் வெளிப்படும் இறைவனின் வல்லமை

ஒருமுறை புகழ் பெற்ற ஆங்கில எழுத்தாளராகிய ஜான் ரஸ்கின்இ தன்னுடைய வீட்டிற்கு வந்த விருந்தினர்களோடு உரையாடிக்கொண்டிருந்தார். விருந்தினர்களில் ஒருவர் தன்னுடைய குழந்தையையும் தன்னோடு அழைத்து வந்திருந்தார். அக்குழந்தைக்கு ரஸ்கினிடமிருந்து ஏதாவது ஒரு பொருளை, அவர் நினைவாக வாங்கிவிடவேண்டும் என்ற விரும்பம். இறுதியில் அவளது விரும்பம் நிறைவேறியது.

Lire la suite...

04/02/2016 15:14

 

ஒருசமயம் ஒருவர் குளத்தங்கரையில் மீன்பிடித்துக் கொண்டிருந்தார். அவர் தூண்டிலில் அகப்பட்ட மீன் கரையிலே கிடந்தது. அந்தச் சமயம் உயரே பறந்துகொண்டிருந்த ஒரு பருந்து, கரையிலே கிடந்த மீனைப் பார்த்தது. அவ்வளவுதான். அதைக் குறிபார்த்து அதற்கு நேரே பறந்து வந்து அந்த மீனைக் கொத்தி எடுத்துக் கொண்டு உயரே பறந்தது.

Lire la suite...

31 ஜனவரி 2016: ஆண்டின் பொதுக்காலம் 4ஆம் ஞாயிறு வாசகங்களின் விளக்கம்
அளிப்பவர் : அருட்பணி இயேசு கருணாநிதி
 
முதல் வாசகம் எரேமியா 1:4-5, 17-19
 
1. பாடத்தின் இலக்கியக் கூறு (Literary Genre of the Text)
அ. இன்றைய முதல் வாசகம் 'இறைவனின் அழைப்பும், மனிதர்களின் பதிலும்' (Vocation Type-Scene) என்னும் இலக்கிய கூறைக் கொண்டிருக்கிறது. இதன்படி, இறைவன் ஒருவரை அழைக்கிறார். அழைக்கப்படுபவர் அதற்கு தயக்கம் தெரிவிக்கிறார். இறைவன் தன் உடனிருப்பை அவருக்கு வாக்களிக்கின்றார்.

Lire la suite...

நன்றி : திரு புஷ்பராஜா & அருள்பணி அந்தோணி சவரி(யப்பன்)

புனித திமொத்தேயு

Timothieu

ஆயர் :

பிறப்பு : கி.பி. சுமார் 17

இறப்பு : கி.பி. சுமார் 97
மசெதோனியா

ஏற்கும் சபை/ சமயம் :
உரோமன் கத்தோலிக்கம்
கீழை மரபுவழி சபைகள்
கிழக்கு மரபுவழி சபை
ஆங்கிலிக்கன் சபை
லூத்தரன் சபை

நினைவுத் திருவிழா :
சனவரி 22 (கீழைத் திருச்சபை)
சனவரி 26 (உரோமன் கத்தோலிக்கம், லூத்தரன் சபை)
சனவரி 24 (1970 நாள்காட்டி சீர்திருத்தத்துக்கு முன் சில தலத் திருச்சபைகள்)

Lire la suite...

தருபவர் : அருள்பணி இயேசு கருணாநிதி

 24 ஜனவரி 2016: ஆண்டின் பொதுக்காலம் 3ஆம் ஞாயிறு

 முதல் வாசகம் நெகே 8:2-4,5-6,8-10
 1. பாட பின்புலம்
கி.மு. 538ல் பாரசீக மன்னர் சைரவு பாபிலோனியாவைக் கைப்பற்றினார். அதே ஆண்டில் அவர் இஸ்ரயேல் மக்களுக்கு விடுதலை அளித்து யூதாவுக்கு திரும்பிச் செல்ல அனுமதித்தார். திரும்பி வந்த இஸ்ரயேலர் நெகேமியா மற்றும் எஸ்ரா தலைமையில் 515ல் ஆலயத்தை மீண்டும் கட்டி எழுப்புகின்றனர். எருசலேமின் மதில்களும் மீள்கட்டமைப்பு செய்யப்படுகின்றன. புதிய ஆலயத்தின் தண்ணீர் வாயிலுக்கு எதிரே மக்களை கூட்டும் குரு எஸ்ரா அவர்கள்முன் திருச்சட்டத்தை வாசிக்கின்றார். திருச்சட்டம் வாசிக்கப்பட்டபோது மக்கள் பெற்ற அனுபவத்தின் பதிவே இன்றைய முதல்வாசகம்.

Lire la suite...

விளக்கம்  தருபவர் : அருள்பணி இயேசு கருணாநிதி
1. பாட பின்புலம்
மூன்றாம் எசாயா இறைவாக்குப் பகுதியிலிருந்து எடுக்கப்பட்டு, திருமணம் என்ற உருவகத்தின் பின்னணியில் இருக்கும் இன்றைய முதல் வாசகத்தை கொஞ்சம் நீட்டி கற்பனை செய்வோம். இஸ்ரயேல் என்னும் இளவரசன் போருக்குச் செல்கிறான். போரில் மிகப்பெரும் வெற்றி பெறுகிறான். எதிரிகள் முற்றிலும் அழிக்கப்பட்டுவிட்டனர். வெற்றி ஆரவாரத்தோடு தன் நகர் திரும்புகிறான்.

Lire la suite...

பொங்கல் - நன்றியின் நாள்

நன்றி : அருட்தந்தை சிலுவைமுத்து ச.ச தர்மபுரி

அன்புடை நெஞ்சங்களே!
அனைவருக்கும் விழாக்கால வாழ்த்துகள். பல விழாக்களை இந்நாட்களில் கொண்டாடுவதால், ஒட்டு மொத்தமாக விழாக்கால வாழ்த்துகள் என்கின்றேன். போகி, தைப் பொங்கல், மிலாடி நபி, திருவள்ளுவர் தினம், உழவர் திருநாள் போன்ற விழாக்களை இந்நாட்களில் கொண்டாடுகின்றோம்.

Lire la suite...

01 ஜனவரி 2016: அன்னை மரியாள் இறைவனின் தாய் - புத்தாண்டுப் பெருவிழா

நன்றி : அருள்பணி இயேசு கருணாநிதி

 
கிரகோரியன் காலண்டரின் படி இன்று ஆண்டின் முதல் நாள். கிரேக்க கடவுள் ஜானுசைப் போல இரண்டு தலை கொண்டவர்களாக - பின்னோக்கியும், முன்னோக்கியும் - நன்றி மற்றும் நம்பிக்கை கொண்டவர்களாக நிற்கின்றோம். இன்று புத்தாண்டுப் பெருநாள் (1). இந்த ஆண்டின் தலைநாளான இன்றுதான் திருஅவை நமக்கு மரியாளை இறைவனின் தாயாக (2) முன்வைக்கிறது. மேலும், இந்த நாள் தான் 'இயேசுவுக்கு' பெயர் சூட்டப்பட்ட நாள் (3). இந்த நாள் தான் கிறிஸ்துபிறப்பின் எட்டாம் திருநாள் (4). 
 

Lire la suite...

AUMONERIE CATHOLIQUE TAMOULE INDIENNE 

Copyright © 2001-2017

EMAIL : webmaster@aumonerietamouleindienne.org