Get Adobe Flash player

News

உடல் உறுப்பு தானத்தில் தமிழகம் முதலிடம்.


செப்.01,2014. இந்திய அளவில், உடல் உறுப்பு தானத்தில், தமிழகம் கடந்த ஐந்து ஆண்டுகளாக முதலிடத்தில் உள்ளதாக, மருத்துவத் துறை வட்டாரம் தெரிவிக்கிறது.
கடந்த 2008 முதல் 2014 ஜூன் வரை, 485 பேரின் உறுப்புகள் தானமாக பெறப்பட்டு உள்ளன எனவும், இதில், 79 இதயம், 39 நுரையீரல், 443 கல்லீரல், 867 சிறுநீரகம், ஒரு கணையம், 500 இதய வால்வு, 732 கருவிழி, 5 தோல் என, 2,666 உறுப்புகள், பாதிக்கப்பட்டோருக்கு வழங்கப்பட்டுள்ளதாகவும் தெரிவிக்கப்பட்டுள்ளது.
2013 -- 14ல் மட்டும் இதுவரை, 141 பேரிடம் பெற்ற, 21 இதயம், 21 நுரையீரல், 130 கல்லீரல், 243 சிறுநீரகம், 1 கணையம், 134 இதய வால்வு, 200 கருவிழி, ஒரு தோல் என, 751 உறுப்புகள் பாதிக்கப்பட்டோருக்கு பொருத்தப்பட்டுள்ளன.
மூளைச் சாவு அடைந்தவர்களிடம் இருந்தே, உடல் உறுப்புகள் அதிகமாக தானமாக பெற்று, பாதிக்கப்பட்டோருக்கு வழங்கப்படும் நிலையில், கடந்த 2013 மார்ச் வரை, மூளைச்சாவு அடைந்த, 324 பேரின், 1,820 உறுப்புகள் தானமாக பெறப்பட்டு உள்ளன.
தமிழகத்தில், 2008ல், உடல் உறுப்பு தானம் குறித்த விழிப்புணர்வு அதிகரித்ததைத் தொடர்ந்து, உறுப்புகளை தானம் பெற, 72 மருத்துவமனைகள் பதிவு செய்யப்பட்டுள்ளன.

ஆதாரம் : தினமலர்

வருகிற நவம்பர் இறுதியில் துருக்கி செல்வார் திருத்தந்தை பிரான்சிஸ்


செப்.12,2014. துருக்கி நாட்டு அரசுத்தலைவர் Recep Tayyp Erdogan அவர்கள் விடுத்த அழைப்பை ஏற்று, திருத்தந்தை பிரான்சிஸ் அவர்கள், வருகிற நவம்பரில் துருக்கி செல்வார் என, திருப்பீட செய்தித் தொடர்பாளர் இயேசு சபை அருள்தந்தை பெதரிக்கோ லொம்பார்தி அவர்கள் அறிவித்தார்.
வருகிற நவம்பர் இறுதியில் துருக்கி நாட்டுக்குத் திருப்பயணம் மேற்கொள்ள திருத்தந்தை பிரான்சிஸ் அவர்களின் திருப்பயணத்துக்குத் தயாரிப்புக்கள் நடந்து வருவதாகவும் அருள்தந்தை லொம்பார்தி அவர்கள் செய்தியாளர்களிடம் கூறினார்.
இத்திருப்பயணம் குறித்த பிற விபரங்கள் இன்னும் உறுதிசெய்யப்படவில்லை என்றும் அவர் கூறினார்.
ஆர்த்தடாக்ஸ் உலகின் பாதுகாவலரும், கீழை வழிபாட்டுமுறையை உருவாக்கியவருமான புனித அந்திரேயாவின் விழாவான நவம்பர் 30ம் தேதியன்று அவ்விழாவைக் கொண்டாடுவதற்கு திருத்தந்தை பிரான்சிஸ் அவர்கள் இஸ்தான்புல் செல்வார் என எதிர்பார்க்கப்படுகிறது.
இந்த விழாநாளில் திருப்பீட கிறிஸ்தவ ஒன்றிப்புப் பிரதிநிதி குழு ஆண்டுதோறும் இஸ்தான்புல் செல்வது வழக்கமாக இருந்து வருகிறது.
2006ம் ஆண்டு நவம்பரில் திருத்தந்தை 16ம் பெனடிக்ட் அவர்கள் துருக்கிக்குத் திருப்பயணம் மேற்கொண்டார்.

ஆதாரம் : வத்திக்கான் வானொலி

புதிதாகப் புனிதர்களாக அறிவிக்கப்பட்ட திருத்தந்தையர்களின் திருநாள்கள் அறிவிப்பு

செப்.12,2014. புனித திருத்தந்தையர் 23ம் ஜான் அவர்களின் திருவிழா அக்டோபர் 11ம் தேதி எனவும், 2ம் ஜான் பால் அவர்களின் திருவிழா அக்டோபர் 22ம் தேதி எனவும், வத்திக்கான் அறிவித்துள்ளது.
உலகின் ஒவ்வொரு பகுதியிலிருந்தும் வந்த எண்ணற்ற விண்ணப்பங்களின் பேரில், அகிலத் திருஅவையின் திருநாள்கள் நாட்காட்டியில், இவ்விரு திருத்தந்தையர்களின் திருநாள்களை, திருத்தந்தை பிரான்சிஸ் அவர்கள் அங்கரீத்துள்ளார் என திருப்பீட திருவழிபாட்டு பேராயம் அறிவித்துள்ளது.
கடந்த ஏப்ரலில் புதிதாகப் புனிதர்களாக அறிவிக்கப்பட்ட திருத்தந்தையர் 23ம் ஜான், 2ம் ஜான் பால் ஆகிய இருவரின் திருநாள்கள் விருப்ப நினைவு நாள்கள் எனவும் அறிவிக்கப்பட்டுள்ளது.

ஆதாரம் : வத்திக்கான் வானொலி

 “என் அன்பில் நிலைத்திருங்கள்”

செப்.16,2014. “என் அன்பில் நிலைத்திருங்கள்” என்ற யோவான் நற்செய்தியிலுள்ள திருச்சொற்கள், திருத்தந்தை பிரான்சிஸ் அவர்களின் இலங்கைத் திருப்பயணத்தின் தலைப்பாகத் தேர்ந்தெடுக்கப்பட்டுள்ளது என, கொழும்புப் பேராயர் கர்தினால் மால்கம் இரஞ்சித் அவர்கள் அறிவித்தார்.
2015ம் ஆண்டு சனவரி 13 முதல் 15 வரை திருத்தந்தை பிரான்சிஸ் அவர்கள் மேற்கொள்ளும் இலங்கைத் திருப்பயணத்துக்குத் தேர்ந்தெடுக்கப்பட்டுள்ள இத்தலைப்பானது, அனைவருக்கும், குறிப்பாக ஏழைகள் மற்றும் தேவையில் இருப்போருக்கு திருத்தந்தை வெளிப்படுத்தும் கிறிஸ்துவின் அன்பை பிரதிபலிப்பதாய் உள்ளது எனக் கூறினார் கர்தினால் இரஞ்சித்.
அமைதி, அன்பு மற்றும் ஒப்புரவுச் செய்தியைப் பரப்புவதற்கு இன்றைய இலங்கைத் திருஅவை அழைக்கப்பட்டுள்ளது என்றும், திருத்தந்தையின் இத்திருப்பயணம், இலங்கைத் திருஅவையின் ஒப்புரவுப் பாதையை ஊக்கப்படுத்தும் சக்தியாக அமையும் என்றும் கூறினார் கர்தினால் இரஞ்சித்.
இலங்கை கத்தோலிக்கத் திருஅவையின் தூணாக நோக்கப்படும் அருளாளர் ஜோப் வாஸ் அவர்கள், இத்திருப்பயணத்தின்போது புனிதராக அறிவிக்கப்படுவார் எனத் தாங்கள் எதிர்பார்ப்பதாகவும் கர்தினால் இரஞ்சித் அவர்கள் அறிவித்தார்
மேலும், திருத்தந்தையின் இலங்கைத் திருப்பயணத்திற்கென புதிய இணையதளம் ஒன்று சிங்களம், தமிழ், ஆங்கிலம் ஆகிய மொழிகளில் திறக்கப்பட்டுள்ளது.

ஆதாரம் : Fides

la Veillée de prière pour les chrétiens d’Orient

 

2 000 personnes ont prié pour la paix le dimanche 14 septembre au Sacré-Cœur de Montmartre, en présence de Mgr Éric de Moulins-Beaufort, évêque auxiliaire, et Mgr Pascal Gollnisch, directeur de l’Œuvre d’Orient.

En la fête de la Croix glorieuse.

Les communautés de Saint-Julien le Pauvre et de Notre-Dame du Liban étaient présentes. Les participants sont repartis avec un cierge à déposer dans leurs lieux de vie, en signe de paix.

Sacré-Cœur de Montmartre
35 rue du Chevalier de la Barre, 75018 Paris

Merci : http://www.paris.catholique.fr/

Voir les photos en appuyant le bouton : 'Lire la suite

Lire la suite...

128 anniversary

1886 ஆம் ஆண்டு செப்டம்பர் மாதம் முதல் நாள்

புதுச்சேரி - கடலூர் மறைமாவட்டம் உயர் மறை மாவட்டமாக உயர்த்தப்பட்டது.

நம் மறைமாவட்டம் உயர் மறைமாவட்டமாகி 128 ஆண்டுகள் ஆகின்றன.

நம் அனைவரின் பேரன்புக்கும் பெரு மதிப்புக்கும் உரிய
பேராயர் மேதகு ஆனந்தராயர் அந்தோணி அவர்களுக்கும்
அவருக்குத் தோள் கொடுத்து உடன் பணியாற்றும்
குருக்கள், கன்னியர்களுக்கும்

நெஞ்சார்ந்த இனிய நல் வாழ்த்துகள்.
இவர்களுக்காகச் செபிப்போம்.

இவர்கள் மீது இறைவன் தம் திருவருளை நிறைவாகப்  பொழிவாராக!

இவண்
ஞானகத் தந்தை ஜான் கென்னடி

இந்தியக் கத்தோலிக்க ஞானகம், பாரீஸ்
ஞானகப் பொறுப்பாளர்கள் &
ஞானக மக்கள்.
8 septembre : souhaiter Bon anniversaire à Marie
Rappel du pape lors de l'angélus

Anne Kurian

ROME, 7 septembre 2014 (Zenit.org) - Le pape François invite les croyants à souhaiter un « bon anniversaire » à la Vierge Marie demain, 8 septembre 2014, fête de la Nativité.

« Souvenez-vous demain de la fête liturgique de la Nativité de la Vierge Marie », qui est comme « son anniversaire », a-t-il rappelé en concluant l'angélus de ce dimanche 7 septembre, place Saint-Pierre.

« Que fait-on quand sa maman fête son anniversaire ? », a-t-il demandé : « On la salue, on lui envoie des voeux… Demain rappelez-vous, dès le matin tôt, dans votre cœur et sur vos lèvres, de saluer la Vierge et de lui dire : "Bon anniversaire !" ».

Le pape a aussi invité à prier un « Je vous salue Marie » qui vienne « du cœur de son fils ou de sa fille ».

பெசன்ட் நகர் வேளாங்கண்ணி திருத்தல 42வது ஆண்டு விழா

 

சென்னை : பெசன்ட்நகர் வேளாங்கண்ணி திருத்தல 42வது ஆண்டுவிழா நாளை கொடியேற்றத்துடன் தொடங்கி செப்டம்பர் 8ம் தேதி வரை நடக்கிறது. இதுகுறித்து பெசன்ட் நகர் வேளாங்கண்ணி திருத்தல பங்கு தந்தை பிரான்சிஸ் சேவியர் கூறியதாவது: இனம், மதம், மொழி வேறுபாடின்றி அனைத்து  தரப்பினரும் பெசன்ட் நகர் அன்னை வேளாங்கண்ணி திருத்தலத்திற்கு வருகின்றனர். ஆரோக்கிய அன்னையின் புகழ் பரப்பும் பல திருத்தலங்களுள் ஒன்றாக இது  திகழ்கிறது. இதன் 42ம் ஆண்டு குடும்ப திருவிழா ஆகஸ்ட் 29ம் தேதி முதல் வரும் செப்டம்பர் 8ம் தேதி வரை நடக்கிறது.

நாளை மாலை 4.45 மணிக்கு கொடியேற்றத்துடன் விழா தொடங்குகிறது. தொடர்ந்து சிறப்பு கூட்டு திருப்பலி நடைபெறம். ஒவ்வொரு நாளும் ஒவ்வொரு  தலைப்பில் விழா கொண்டாடப்படுகிறது. அதாவது, 30ம் தேதி உழைப்பாளர் விழா, 31ம் தேதி நற்கருணை விழா, செப்டம்பர் 1ம் தேதி தேவ அழைத்தல் விழா,  2ம் தேதி துறவற சபைகள் விழா, 3ம் தேதி ஆசிரியர்கள் விழா, 4ம் தேதி பக்த சபைகள் விழா, 5ம் தேதி இளைஞர்கள் விழா, 6ம் தேதி நலம் பெறும் விழா என  கொண்டாப்படுகிறது.

முக்கிய விழாவான தேர் திருவிழாவில் அன்னையின் ஆடம்பர தேர்பவனி 7ம் தேதி நடக்கிறது. இறுதி நாளான 8ம் தேதி அன்னை மரியாவின் பிறப்பு  பெருவிழாவின் அன்னைக்கு முடிசூட்டு விழா நடக்கிறது. இதையொட்டி சென்னை மாநகரின் முக்கிய இடங்களில் இருந்து நாளை முதல் செப்டம்பர் 8ம் தேதி  வரை கூடுதல் பேருந்துகள் இயக்க நடவடிக்கை எடுக்கப்பட்டுள்ளது. மேலும் திருத்தலத்திற்கு வருகை தருபவர்களுக்கு குடிநீர் மற்றும் தங்கும் வசதிக்கு ஏற்பாடு  செய்யப்பட்டுள்ளது. இவ்வாறு அவர் கூறினார்.

 

நன்றி : தினகரன்.

 

வேளாங்கண்ணி பேராலய பெருவிழா: இன்று துவக்கம்

 
 
வேளாங்கண்ணி பேராலய பெருவிழா: இன்று கோலாகல துவக்கம்.
 

நாகை, ஆக 29:

வேளாங்கண்ணி பேராலய ஆண்டு திருவிழா இன்று மாலை கொடியேற்றத்துடன் தொடங்குகிறது. இதையொட்டி அங்கு பல்வேறு பகுதிகளில் இருந்து பாதயாத்திரையாகவும், வாகனங்கள் மூலமாகவும் பக்தர்கள் குவிந்து வருகின்றனர்.

நாகை மாவட்டம் வேளாங்கண்ணி புனித ஆரோக்கிய மாதா பேராலய ஆண்டு திருவிழா இன்று மாலை 6 மணியளவில் கொடியேற்றத்துடன் தொடங்குகிறது. தஞ்சை மறைமாவட்ட ஆயர், தேவதாஸ் அம்புரோஸ் அடிகளார் திருக்கொடியை புனிதம் செய்து வைக்கிறார். புனிதம் செய்யப்பட்ட கொடி வீதிகள் வழியாக கொண்டு செல்லப்பட்டு பின்னர் கொடிக்கம்பத்தில் கொடி ஏற்றப்படும். அதன்பின் பேராலய கலையரங்கில் மாதா மன்றாட்டு ஆராதனை நடைபெறும். தொடர்ந்து நற்கருணை ஆசீர், தமிழிவ் திருப்பலி நிறைவேற்றப்படும். விழாவில் பேராலய அதிபர் மைக்கேல் அடிகளார், பங்குத்தந்தை சூசை மாணிக்கம் அடிகளார், உதவி பங்கு தந்தைகள் ஆரோக்கியசுந்தரம், டாரிஸ்ராஜ் உள்ளிட்ட பாதிரிமார்களும் அருட்சகோதரிகளும் லட்சக்கணக்கான பக்தர்களும் கலந்து கொள்கின்றனர். தினமும் பேராலயம், விண்மீன் ஆலயம், பேராலய கீழ் கோயில், மேல் கோயில் ஆகிய இடங்களில் காலை, மதியம், மாலையில் சிறப்பு திருப்பலி நடைபெறும். இரவு மாதா தேர் பவனி நடைபெறும். வரும் 5ம் தேதி மாலை புனித பாதையில் கொங்கனி, தமிழ், ஆங்கிலம், மராத்தியில் சிலுவை பாதை நடைபெறும். 6ம் தேதி மாலை புனித பாதையில் ஜெபமாலை நடைபெறும். 7ம் தேதி இரவு பெரிய தேர் பவனி நடைபெறும். இதில் லட்சக்கணக்கான பக்தர்கள் கலந்து கொள்வார்கள். வரும் 8ம் தேதி மாலை கொடியிறக்கப்பட்டு ஆண்டு திருவிழா நிறைவடையும். வேளாங்கண்ணி திருவிழாவுக்காக தமிழகம் மற்றும் பல்வேறு மாநிலங்களில் இருந்தும் ஏராளமான பக்தர்கள் பாதயாத்திரையாகவும், வாகனங்கள் மூலமாகவும் வந்த வண்ணம் உள்ளனர். அவர்களுக்கு தேவையான குடிநீர், கழிவறை உள்ளிட்ட அடிப்படை வசதிகளை மாவட்ட நிர்வாகம் செய்துள்ளது. விழாவை முன்னிட்டு போலீசார் கடற்கரை, கடைத்தெரு உள்ளிட்ட பகுதிகளில் தீவிர ரோந்து பணியில் ஈடுபட்டுள்ளனர். 

 

நன்றி : தினபூமி

 

 

 

மதுரை உயர்மறைமாவட்டத்தின் புதிய பேராயராக,

மேதகு ஆயர் அந்தோணி பாப்புசாமி அவர்கள் பணியேற்பு
ஆக.23,2014. மதுரை உயர்மறைமாவட்டத்தின் ஆறாவது பேராயராக, ஆகஸ்ட் 24, இஞ்ஞாயிறன்று மேதகு ஆயர் அந்தோணி பாப்புசாமி அவர்கள் பணியேற்கிறார்.
மதுரை ஞானஒளிவுபுரம் புனித பிரிட்டோ மேல்நிலைப் பள்ளி வளாகத்தில் இஞ்ஞாயிறு மாலை 5.30 மணிக்கு இந்தப் பணியேற்புத் திருப்பலியும், அதன்பின்னர் வாழ்த்துக் கூட்டமும் நடைபெறும்.
மதுரை உயர்மறைமாவட்டத்தின் ஆறாவது பேராயர் பணியேற்புத் திருநிகழ்வை, இந்தியத் திருப்பீடத் தூதர் பேராயர் சால்வத்தோரே பினோக்கியோ அவர்கள், முன்னின்று நடத்துகிறார்.
இந்நிகழ்வில் தமிழக ஆயர்கள், ஏறக்குறைய 500 அருள்பணியாளர்கள், ஆயிரக்கணக்கான அருள் சகோதரிகள், பொதுநிலையினர் கலந்து கொள்வார்கள்.
மதுரை உயர்மறைமாவட்டத்தின் ஆறாவது பேராயர் மேதகு ஆயர் அந்தோணி பாப்புசாமி அவர்கள் ஆகஸ்ட் 25 திங்கள் காலை 6.30 மணியளவில் மதுரை புனித மரியன்னை பேராலயத்தில் நன்றித் திருப்பலி நிகழ்த்துவார். பின்னர் காலை 9 மணிக்கு பேராயர் இல்லத்தில் உயர்மறைமாவட்டத்தின் அருள்பணியாளர்களைச் சந்திப்பார் என அறிவிக்கப்பட்டுள்ளது.
திருத்தந்தை பிரான்சிஸ் அவர்கள், திண்டுக்கல் ஆயராகப் பணியாற்றிய மேதகு ஆயர் அந்தோணி பாப்புசாமி அவர்களை, மதுரை உயர்மறைமாவட்டத்தின் புதிய பேராயராக, கடந்த ஜூலை 26ம் தேதியன்று அறிவித்தார்.

ஆதாரம் : வத்திக்கான் வானொலி

AUMONERIE CATHOLIQUE TAMOULE INDIENNE 

Copyright © 2001-2017

EMAIL : webmaster@aumonerietamouleindienne.org